റാന്നി വെച്ചൂച്ചിറയ്ക്കു സമീപം പരുവയില്‍ തൊണ്ണൂറുകാരിയെ പീഡിപ്പിക്കാന്‍ ശ്രമിച്ച അയല്‍വാസിയെ വൃദ്ധയുടെ മകന്‍ വെട്ടി. പരുവ സ്വദേശി പി. റ്റി ബിജുവിനാണ് പരിക്കേറ്റത്. വെള്ളിയാഴ്ച്ച വൈകുന്നേരം 5 മണിയോടെ പരുവയിലെ വീട്ടില്‍ ഒറ്റക്കായിരുന്ന തൊണ്ണൂറുകാരിയായ വൃദ്ധയെ സമീപവാസിയായ ബിജു പീഡിപ്പിക്കാന്‍ ശ്രമിച്ചത്. പ്രായാധിക്യത്താല്‍ അവശ നിലയിലായിരുന്ന വൃദ്ധയെ ബിജു കടന്ന് പിടിക്കുകയായിരുന്നു.
ജോലി കഴിഞ്ഞു മടങ്ങി വന്ന വൃദ്ധയുടെ അറുപതുകാരനായ മകന്‍ ബിജു അമ്മയെ കടന്നു പിടിക്കുന്നത് കാണുകയായിരുന്നു. തുടര്‍ന്ന് വീട്ടിലെ വാക്കത്തി കൊണ്ട് ഇയാള്‍ ബിജുവിനെ വെട്ടി. പ്രതി ഒഴിഞ്ഞു മാറാന്‍ ശ്രമിച്ചെങ്കിലും കാലില്‍ വെട്ടേറ്റു.
ബഹളം കേട്ട് ഓടി കുടിയ നാട്ടുകാര്‍ വിവരം വെച്ചൂച്ചിറ പൊലീസില്‍ അറിയിച്ചു. പോലീസ് എത്തി ഇയാളെ കസ്റ്റഡിയിലെടുക്കുകയും പരിക്കുള്ളതിനാല്‍ കാഞ്ഞിരപ്പള്ളി താലുക്ക് ആശുപത്രിയില്‍ പ്രവേശിപ്പിച്ചു. ഇയാള്‍ക്കെതിരെ പീഡന ശ്രമത്തിന് കേസ് രജിസ്റ്റര്‍ ചെയ്തിട്ടുണ്ട്.
